Dhul gariir dad badan ku dhinteen oo ka dhacay Dalka Afgaanistaan

Dhulgariir cabirkiisa lagu qiyaasay 6.0 ayaa ku dhuftay bariga Afgaanistaan ​​meel u dhow xadka Pakistan gelinkii dambe ee Axadii, waxaana uu geystay khasaare dhimasho iyo dhaawac.

Wararka ugu dambeeya ee aan heleyno ayaa sheegaya  in ugu yaraan 20 qof ay ku dhinteen dhul gariirka Dalka Afgaanistaan halka ay dhaawacyana soo gaareen tira ka sii badan boqol ruux kuwaasoo la gaarsiiyay goobaha  caafimaadka.

Dowlada ay hogaaminayaan Daalibaan ayaa warbaahinta u sharaxay khasaaraha ka dhashay dhul-gariirkaani iyagoona xusay in mar kasta ay kordhi karto tirada dadka ku dhimanaya dhul gariirka.

Dhismayaal badan ayaa ku bur burburay dhul gariirkaani  iyadoo burburka dhismuhu qeyb ka yahay khasaaraha dhimashada iyo dhaawaca ee dadka soo gaaray.

Dhulgariir cabirkiisu yahay 6.3 ayaa ku dhuftay Afgaanistaan ​​7-dii Oct. 2023, waxaana xigay dhulgariir xooggan. Dowladda Taliban ayaa ku qiyaastay in ugu yaraan 4,000 oo qof ay dhinteen.

QM waxay siisay dhimasha aad uga hooseeysa ilaa 1,500. Waxay ahayd masiibadii dabiiciga ahayd ee ugu dhimashada badnayd ee soo marta Afgaanistaan ​​muddooyinkan dambe.