Diblumaasi sare oo u dhashay Kuuriyada Waqooyi ayaa u baxsaday dhinaca Kuuriyada Koonfureed, sida ay ku warrantay warbaahinta dalkaas.

Ryu Hyun-woo oo ahaa kusimaha safiirka Kuuriyada Waqooyi ee Kuwait ayaa la rumeysan yahay in uu la baxsaday qoyskiisa bishii September ee sanadkii 2019-kii, sida ay ku warrantay warbaahinta Maeil business daily.

Wararka waxay sheegayaan in sababta uu baxsaday ay tahay sidii uu nolol wanaagsan ugu raadin lahaa carruurtiisa.

Saraakiisha Kuuriyada Koofureed waxay diideen inay ka hadlaan warka ku saabsan sarkaalkaas.

Waxaa dhif iyo naadir ah in sarkaal sare oo ka tirsan dowladda Kuuriyada Waqooyi uu kasoo baxsado dalkaas inkasta oo 1,000 qof sanad kasta ay ka cararaan halkaas.

 

LEAVE A REPLY

Please enter your comment!
Please enter your name here