XIGASHO LAACIB.NET
Dominik Szoboszlai ayaa ka hadlay mustaqbalka Mohamed Salah ee kooxda Liverpool, ka dib khilaafkii iyo cadhadii muuqatay ee ka dhalatay barbarahii ay la galeen kooxda Leeds bishii hore.
“Taas waxay u dhexaysaa isaga iyo aniga. Wuu soo laaban doonaa, ka dibna waan sii wadi doonnaa shaqada. Waa go’aan u dhexeeya tababaraha iyo kooxda,” ayuu yiri Szoboszlai.
Wuxuu intaas ku daray inuu maalin kasta la hadlo Salah: “Haa, runta haddii aan kuu sheego, ku dhowaad maalin kasta ayaan wada hadalnaa. Wax walba ayaan ka wada hadalnaa. Anigu waan la socdaa xaaladdiisa, waxaanan filayaa inuu isaguna i la socdo.”
Isagoo eegaya tartanka Champions League ee ay wajahayaan kooxda Marseille, wuxuu yiri: “Taas ayaa ah midda ay tahay inaan hiigsanno marka aan wajahayno Marseille, laakiin iyagu ma ciyaaraan difaac xiran, waxay isku dayaan inay kubadda ka soo dhistaan dhabarka, waana inaan taasna u diyaar garownaa.”
XIGASHO LAACIB.NET
