Dooni Ganacsi oo u rarneyd Ganacsatada Soomaalida ayaa la soo sheegayaa in lagu afduubtay xeebaha Degmada Eyl ee Maamulka Puntland sida uu saxaafada u xaqiijiyay Wakiilka doontaasi Bashiir Sacidi Cusman.
Bashiir ayaa sheegay inay doonta saaran yihiin 17 shaqaale ajaani ah oo u dhashay Dalka Iiraan iyo hal nin oo Soomaali ah islamarkaana doonta ay afduubteen kooxo burcad badeed ah.
Bashiir Saciid wuxuu sheegay markii ay la xiriireen inay u cadeeyeen inay burcad yihiin islamarkaana ay doonayan lacag 4 boqol kun dolar oo madax furasho ah.
“waan ku wargelinay burcada in doontu somali u raran tahay ,hanti soomaaliyeed saaran tahay ,sidoo kale waxaana ku wargelinay inaanan diyaar u ahayn lacag baad ah”ayuu yiri Bashiir Saciid Cusmaan
Booliiska Maamul Goboleedka Punland oo lagu wargeliyay ayaa laftoodu ka hadleen waxayna sheegen inay baarayaan.
XAFIIISKA WARARKA
DAYNIIILE.COM
