JIG-JIGA (DAYNIILE.COM)-Dowlad Deegaanka Soomaalida Itoobiya waxaa laga soo sheegayaa inay ooda ka qaaday oo iska cafisay maxaabiis sida la sheegay u xirnaa si sharci daro ah.
Guddiga Xuquuqda Aadanaha ee dalka Itoobiya (EHRC) ayaa ka shaqeeyay talaabada Dowladu ku sii deysay 121 qof oo ku kala xirnaa xabsiyada guud ahaan deegaanada hoos yimaada maamulka Dowlad deegaanka.
Sidoo kale Dowladu waxay cafis u fidisay labo wariye oo kamid ah dadka xirnaa kuwaasoo jaanis u helay inay mar kale dib ugu soo laabato xoriyadooda.
Masuuliyiinta oo arinta sii deynta ka hadlayay ayaa warbaahinta u sheegay inay qaadayaan talaabooyin ay ku xaqiijinayaan wax ka qabashada dhibaatooyinka iyo walaac waqti badan jirey kaasoo lagu xalinayo helitaanka caddaaladda, iyo sida loola dhaqmo dadka xabsiyada ku jira.
XAFIISKA WARARKA SIYAASADA
DAYNIILE.COM
