TORONTO (DAYNIILE.COM)-War ka soo baxay Dowlada Canada ayaa muwaadiniinteeda ku sugan Somalia waxay ku amartay deg deg inay uga soo baxaan Magaalada Muqdisho ee caasimada Dalka Soomaaliya.
Sidoo kale Dowlada Canada waxey muwaadiniinteeda ku wargelisay inaysan u safri karin Soomaaliya hadii ay dan ka soo gasho xataa sababo ay ku sheegeen amniga dhankiisa.
Dowlada Canada waxey xustay inay Koonfurta Soomaaliya ka jirto xaalad amni xumo sidaas daraadeed ay muwaadiniinta ugu amartay inaysan aadin Somalia ,sidoo alana kuwa joogana ka soo baxaan,Dowlada Canada wax sharaxaad dheeraad ah ama aysan bixin dhibaatada aan muuqan ee ay ka sheegayaan Somalia gaar ahaan Muqdisho oo ah xiligaan halka ugu amniga wanaagsan guud ahaan Somalia.
Digniinta iyo amarka Canada ka soo baxay lama oga inuu ku lug leeyahay ajaanibtii dhawaan la sheegay inay ka baxeen Muqdisho kadib markii ay soo baxday warkii ahaa in la jabsaday xigta Nidaamka E-Visa islamarkaana ajaanib kumanaan ah xogtooda banaanka lagu shaaciyay.
XAFIISKA WARARKA SIYAASADA
DAYNIILE.COM
