Muqdisho (dayniiile.com)-Dowlada faderaalka Soomaaliya ayaa tira koob cusub ka soo saartay dadka ilaa hada ku geeriyooday Roobabka iyo Fatahaadaha iyo sidoo kale barakaca heerku gaarsiisan yahay.
Guddoomiyaha Hay’adda Maareynta Musiiboyinka Qaranka Maxamuud Macallim Cabdulle ayaa oo shir jaraa’id qabtay ayaa sheegay in Daadadka iyo Fatahaadaha dadka ku geeriyooday ay xisaabtoodu marayso 96 Ruux guud ahaan.
Gudoomiye Maxamuud Macalin wuxuu si gaar ah u xusay in 28 kamid ah ay ku dhinteen Doon la qalibantay.
“doonta ayaa gadoontay markii kooxda Khawaarijtu u diideen meel ay ka baxaan”ayuu yiri Gudoomiyaha oo dhanka kale ka digay Roobab la filaayo.
Dadka ku barakacay wuxuu ku sheegay inay gaarayaan laba milyan iyo sedex boqol,sidoo kale wuxu tilmaamay inay Dowladu gurmad gaarsiisay 11 kun qoys.
XAFIISKA WARARKA
DAYNIIILE.COM
