Dowlada Somalia ayaa la sheegay inay joojisay oo kansashay safar ay Hargeysa ku tagi lahaayeen Wariyeyaal Israa’iil u dhashay kuwaasoo doonayay inay gudaha Gobolada waqooyi qaarkood ka tabiyaan waxa ay ku sheegeen aqoonsiga maamulka Somaliland.
Wararka aab helnay ayaa sheegaya in wariyayaasha madaama ay Somalia u soo socdaan markii ay damceen viisaha loo sheegay inay qasab tahay inay Dowlada Somalia ka qaataan adeega E-visaha taasna ay keentay in loo diido madaama ay ka shaqeynayaan kala goynta somaliweyn.
Baare Turki ah ayaa bartiisa X ku shaaciyay caqabadaha ay wariyayaashaan la kulmeen todobaadkaan kadib aqoonsigoodii Somaliland,wuxuu sheegay ninka turkiga ah in shirkadaha diyaaradaha ay ku xujeeyeen inay E-visa ka soo dalbadaan Dowlada Somalia taasina ay baajisay socdaalkoodii Hargysa markii loo diiday.
Siyaasiga C/raxmaan Ceynte oo ka hadlay arintaan ayaa sheegay Somalia adeegsatay awood
Mid ka mid ah aaladaha ugu muhiimsan ee Somalia ku difaacato qaranimadeeda iyo midnimadeeda dhuleed waa awooda ay u leedahay inay dal ku galyada ama viisooyinka u diido dadka soo galaya dalkeeda,ma jirto shirkad caalami ah ama gudaha oo ku dhiiran karta inay jabiso siyaasadaasi”ayuu yiri C/raxmaan Ceynte
Sidoo kale wuxuu sheegay inaan xitaa diyaarad qaas ah awood u lahayn inay ku degtpo garoomada diyaaradaha dalka amar la’aanta Dowlada Somalia.
Talaabada Dowladu qaaday waxay banaanka keentay fashilka Yuhuuda oo 26-kii bishaan shegtay inay dowlad ahaan u aqoonsatay Somaliland madaama aysan iyagi xitaa tagi karin Hargeysa.
XAFIISKA WARARKA SIYAASADA
DAYNIILE.COM
