XIGASHO LAACIB.NET
Dowladda Spain ayaa si rasmi ah u bilowday baaritaan rasmi ah si loo oggaado haddii sharciga naafada lagu xadgudbay intii lagu guda jiray xafladdii dhalashada ee Lamine Yamal, sida ay si kalsooni leh u shaaciyeen warbaahinta COPE.
Xiddiga Barcelona ee dhawaan u dabbaaldegay 18-jirnimadiisa, ayaa lagu eedeeyay inuu martiqaaday dad dhibaatooyin jidheed qaba si ay madadaalo uga dhigaan, taas oo noqon karta jabinta xeerarka naafada ee dalka, haddii aysan dadku ahayn jilayaal si rasmi ah loo aqoonsan yahay.
Waxaa sidoo kale jirta warar sheegaya in haween lagu casuumay xafladda, halka gabar moodel ah sheegtay inay ka baaqatay ka qeybgalka xafladda kaddib markii ay diiday in jidhkeeda ay ku muujiso xafladda.
Hay’adda u dooda xuquuqda dadka naafada ah ee Spain, gaar ahaan kuwa qaba cudurrada lafaha (ADEE), ayaa horey u cambaareysay dhacdada waxayna ku tilmaantay mid xambaarsan takoor iyo xadgudub lagula kacay xuquuqda dadka la nool naafonimada.
Dowladda Spain ayaa hadda doonaysa inay xaqiijiso in xafladdaasi aysan jebin xeerarka u yaalla ilaalinta sharafta iyo xuquuqda dadka naafada ah.
