Dr. Xuseen Sh. Maxamuud ayaa buuxiyay Xilkii uu baneeyay C/raxmaan Odowaa kadib kulan ay yeeahay Ururka Caddaaladda iyo Wadajirka (JSP).
Haddaba qoraal caawa la soo dhigay barta Facebook ee JSP oo warkaan lagu faah faah-faahiyay ayaa sidan u qornaa:-
Si waafaqsan Dastuurka iyo Xeerarka Ururka Caddaaladda iyo Wadajirka (JSP), Guddoonka sare ee Ururka ayaa Dr. Xuseen Sheekh Maxamuud oo ahaa Ku-xigeenka Xoghayaha Guud u dalacsiiyay inuu si rasmi ah u noqdo Xoghayaha Guud ee Ururka Caddaaladda iyo Wadajirka (JSP). Sidoo kale, Guddoonka Sare ee Ururka ayaa Xildhibaan Xuseen Maxamed Nuur (Dhagaweyne) oo ahaa Xoghayaha Arrimaha Gudaha iyo Siyaasadda u dalacsiiyay inuu noqdo Xoghaye ku-xigeenka Guud ee Ururka.
Dhammaan Xubnaha iyo Guddoonka Sare ee Ururku waxay ugu hambalyaynayaan xubnahan xilalka muhiimka ah ee Ururku u xilsaaray, waxayna u rajeynayaan guul.
