MUQDISHO (DAYNIIILE.COM)-Guddoomiyaha Gobolka Banaadir Ahna Duqa Magaalada Muqdisho Yuusuf Xuseen Jimcaale (Madaale) ayaa saakay booqday halka uu ka socdo tababarka Xulka ciyaartoyda kubada cagta ee Gobolka Banaadir .
Tababarkaan oo ka socda Garoonka Kubadda Cagta ee Eng. Yariisow Stadium ayuu Gudoomiyuhu ugu tagay ciyaartoyda inuu u sameeyo dhiiri gelin xili uu daqiiqado koobana ka qeyb qaatay tababarka iyo aalmiitada.
Cayaartoyda Xulka Kubadda Cagta Maamulka Gobolka Banaadir waxay u diyaar garoobayaan ka qeyb galka Tartanka Cayaaraha Maamul Goboleedyada ee lagu wado in maalinta barito oo jimco ah uu ka furmo Garoonka Muqdisho Stadium.
Mar uu la dardaarmayay ayuu sheegay Gudoomiye Madaale in xulka Gobolka Banaadir uu heysto taageero balaaran oo ah shacabka usoo daawasho tagi doona madaama iyaga marti loo yahay .
“waxaan idinka rajeynaa inaad niyad jabinina taageerayaashiina faraha badan ee idin sacbin doona kulamadiina, guulo wax ku ool ahna aad ka keentaan tartamada “ayuu yiri Gudoomiyaha.
kaga mahadceliyay dadaalka ay wadaan ee ku aadan diyaarinta ciyaartoyda.
DAYNIIILE.COM