Diyaaradaha Drons-ka loo yaqaan ee Ciidamadu isticmaalaan ayaa Saaka duqeeyay Saldhigyo Alshabaab ku leeyihiin deegaano ku yaal Gobolka Mudug.
Howlgalkaan oo Qorsheysnaa waxaa fuliyey diyaaradaha Dagaalka ee kaalmeeya Ciidamada Soomaaliya.
Duqeymaha waxaa lagu burburiyay Saldhigyadii kooxda Alshabaab ku lahaayeen Koonfurta Gobolka Mudug.
Wararka aan helnay ayaa intas ku daraya in meelaha gantaaladu ku dhaceen uu ka mid yahay Saldhigii Alshabaab ee Howdka Jeexjeexa oo u dhexeeya Caad Iyo Cadaley.
Sida lagu sheegay war dhanka Dowlada ka soo baxay ayaa lagu xaqiijiyay in Howgalkaani dhacay Aroornimadii hore ee saaka.
Saraakiisha Dowladu waxay u sheegeen saxaafada in la beegsaday Saldhigii Howdka Jeexjeexa oo Koonfurta oga beegan Buurta Yackoos.
Goobta ayaa lagu diyaarinaayay Gaadiid qaraxyo ah sida ay saraakiishu warkooda ku sii dareen balse hada looga hortagay weerarkaani Saaka.
XAFIISKA WARARKA.
DAYNIIILE.COM
