MUQDISHO (DAYNIILE.COM)-Madaxweynayaashii hore ee Somalia Shariif Sheekh Axmed iyo Maxamed Cabdullaahi Farmaajo ayaa hada ku wada sugan guriga Degmada Wada-jir uu ka degan yahay Shariif waxaana lagu wadaa inay warbaahinta wada-jir ula hadlaan.
Shirkada labadaan masuul waxaa lagu wadaa inay kaga hadlaan halka ay mareyso siyaasada Somalia ,gaar ahaan xiisadda ka taagan Muqdisho ee dhanka khilaafaadka iyo dagaalada ee u dhexeeya Dowlada iyo mucaaradka.
Shariif iyo Farmaajo waxaa lagu wadaa inay cadeeyaan mowqifkooda ku aaddan arrimaha amniga iyo qorshayaasha Dowlada ee cadaadis ku saareyso mucaaradka iyo waliba hub ka dhigista Dowladu ka bilowday Xamar.
Shirka Jaraa’id ee Shariif iyo Farmaajo wixii ay ka soo saaraan wararkeena xiga ayaad kaga bogan doontaan hadii Rabi idmo.
XAFIISKA WARARKA SIYAASADA
DAYNIILE.COM
