MUQDISHO (DAYNIILE.COM)-Madaxweynihii hore ee Soomaaliya Maxamed C/laahi Farmaajo ayaa goor dhaw hoteelka ay degan yihiin ku booqday madaxweynayaasha Maamulada Jubbaland iyo Puntland kuwaasoo maalmihii ugu danbeeyay ku sugnaa xeyndaabka xalane ee Magaalada Muqdisho.
Shir u dhexeeya labada dhinac ayaa la soo sheegayaa inuu goor dhaw oo saaka ah ka bilowday Airport Hotel ee xalane waxaana lagu wadaa inay ka wada hadlayaan xaalada guud ahaan dalka iyo doorashooyinka soo socda ee dalka ka dhici doona madaama uu gabaabsi yahay muda xileedka Madaxweyne Xasan.
Waxaa aad loo xasuustaa in muda xileedkii Farmaajo dhinacyadaan uu dhex maray dagaal diblomaasiyadaadeed kii ugu qaraaraa xili Farmaajo cunaqabteyn xitaa saaran Magaalada Kismaayo sidaas oo kale mashaariicdii Puntland ka joojiyay.
Lama yaqaan hadii dhinacyadaani iska cafin doonaan xurgufyadii hore u soo dhexmaray islamarkaana ay u midoobi doonaan sidii ay Odey Xasan u wada mucaaradi lahaayeen oo uga ridan lahaayeen xilka.
XAFIISKA WARARAKA SIYAASADA
DAYNIILE.COM
