Waxaa maanta magaalada Muqdisho, gaar ahaan Hotel Jazeera, lagu daahfuray FIFA Football for Schools Workshop.
Tababarkan oo socon doona Mudo laba Maalin ah waxaana ka qeyb galay 50 macallin rag iyo dumar iskugu jira kuwaas oo ka kala yimid guud ahaan gobollada dalka.
Daahfurka Workshop-ka waxaa furay Guddoomiyaha Xiriirka Soomaaliyeed ee Kubadda Cagta, Mudane Cali Cabdi Maxamed (Cali Shiine), iyadoo ay goobta sidoo kale joogeen Guddoomiye ku xigeenka 3-aad ee xiriirka, Mudane Yuusuf Xuseen Muumin, Xoghayaha Guud ee xiriirka, Dr. Yuusuf Muxudiin Axmed iyo sidoo kale agaasimaha Guud Ee wasaaradda Dhallinyaradda Iyo Ciyaaraha, Mr. Sadaq Axmed.
Tababarkan waxaa bixiyay labo khabiir oo ka socda FIFA Melvin Mendy, oo ah FIFA Football Development Officer, iyo Antonio Buenaño, FIFA Football for Schools Manager.
Ujeeddada tababarkan ayaa ah kor u qaadista aqoonta macallimiinta Soomaaliyeed ee ku saabsan barnaamijka FIFA Football for Schools, kaas oo lagu horumarinayo waxbarashada iyo ciyaaraha carruurta.
