XIGASHO LAACIB.NET
FIFA ayaa cusbooneysiisay Xeerka Anshaxa si loogu oggolaado ururrada qaaradaha sida UEFA inay codsadaan in la baabi’iyo kaadhadh huruud ah oo aan keenin kaadh cas, si looga hortago in ay saamayn ku yeeshaan kulamada xiga. Isbeddelkan, oo lagu sameeyay Qodobka 68, ayaa saameyn ballaaran ku yeelan kara tartamada kooxaha iyo xulalka qaranka caalamka oo dhan.
Hore, guddiga anshaxa wuxuu awood u lahaa inuu kansalo digniin hal mar kaliya tartan kasta. Laakiin xeerka cusub wuxuu u oggolaanayaa in la sameeyo kansalo dheeraad ah haddii urur qaaradeed codsado, islamarkaana la hubiyo in tartanku ku socdo si cadaalad ah. Go’aannadaas ayaa noqon doona kuwo kama dambeys ah oo aan racfaan laga qaadan karin.
FIFA ayaa sheegtay in isbeddelkan la sameeyay iyadoo loo eegayo ballaarinta wareegyada hordhaca ah ee isreeb-reebka Koobka Adduunka, kuwaas oo kordhiyay tirada kulamada iyo marxaladaha.
Haddaba, UEFA iyo ururrada kale ee qaaradaha – CONMEBOL, AFC, CAF, CONCACAF iyo OFC – ayaa heli kara fursado dheeraad ah oo ay ku baabi’in karaan kaadhadh huruud ah oo urursama, inta aanay sababin ganaax, ha noqoto tartamada kooxaha ama xulalka qaranka.
XIGASHO LAACIB.NET
