XIGASHO LAACIB.NET
Halyeeygii hore ee Real Madrid, Gareth Bale, ayaa ka falceliyay go’aankii shaqada looga eryay tababare Xabi Alonso, isagoo sheegay in kooxda reer Spain aysan u dulqaadan xitaa haddii wax yar oo hoos u dhac ah uu ku yimaado natiijooyinka.
Bale oo ka hadlayay sida uu u arko cayrinta Alonso ayaa yiri: “Xabi Alonso? Lama yaabani. Waxaan si buuxda u fahamsanahay sida Real Madrid ay u shaqayso, haddii natiijooyinku imaan waayaan, isbeddel muuqdana aad sameyn weyso, waa lagu dirayaa.”
Xabi Alonso ayaa shaqadiisa waayay ka dib markii Real Madrid 3-2 looga adkaaday final-kii tartanka Super Cup-ka Spain oo ay la ciyaareen kooxda ay xafiiltamaan ee Barcelona.
Hadda waxaa Real Madrid si ku-meel-gaar ah u hoggaaminaya Alvaro Arbeloa, kaas oo guul weyn oo 6-1 ah ka gaaray kooxda Monaco kulankiisii ugu horreeyay ee Champions League isagoo ah tababaraha kooxda koowaad.
XIGASHO LAACIB.NET
