=XIGASHO LAACIB.NET=
Gary Lineker, oo ka mid ah weeraryahannadii ugu magaca weynaa ee soo maray Barcelona, ayaa ka sheekeeyay xirfaddiisii kubadda cagta isaga oo sidoo kale falanqeeyay xaaladda hadda ee kubadda cagta Yurub, kaddib markii toddobaadkan lagu daray Golaha Ammaanka Kubadda Cagta ee Pachuca.
Isagoo u warramayay MARCA, weeraryahankii hore ee xulka England wuxuu diiradda saaray xusuustiisii Barcelona, qaddarinta uu u hayo Robert Lewandowski iyo aragtidiisa ku saabsan kooxaha ugu cadcad tartamada soo socda.
Isagoo dib u milicsanaya waayihiisii Camp Nou, Lineker ayaa si gaar ah u xusay kalgacaylka uu waqtigaas u hayo.
“Waa waqti aanan illoobi karin. Aniga, Barça waa koox aan aad u jeclahay oo aan si weyn u qadariyo. Waa meel gaar ii ah.”
Wuxuu sidoo kale amaan u jeediyay kooxda Hansi Flick, isagoo ku bogaadiyay qaab ciyaareedkooda iyo dhalinyarada tayada leh.
“Waa koox ciyaarta kubadda si loogu riyaaqo daawashadeeda,” ayuu yiri Lineker. “Ciyaarahooda waa kuwo aad u xiiso badan. Waxay haystaan ciyaartooy heer sare ah, Lamine Yamal-na mustaqbal aad u weyn ayaa iiga muuqda.”
Wuxuu si gaar ah u xusay saameynta Marcus Rashford:
“Taageerayaasha Ingiriiska, waxa soo jiita waxaa ka mid ah Marcus Rashford oo si wanaagsan u ciyaaraya.”
Lineker hadal muusan ka keenin in Rashford uu si degdeg ah ula qabsan karo Barcelona.
“Waan aqaan muddo dheer,” ayuu yiri. “Haddii uu faraxsan yahay oo uu goolal dhalinayo, wuu fiican yahay. Barcelona wax dhibaato ah kuma uusan qabin, wuxuuna sameynayaa waxqabad wanaagsan.”
Markii la weydiiyay inuu isbarbar dhigo waqtigiisii ciyaareed iyo Robert Lewandowski, Lineker si degdeg ah ayuu uga jawaabay.
“Anigu aad ayaan u da’ weynahay,” ayuu ku kaftamay. “Markaa waxaan dooranayaa Robert. Aniga, Lewandowski waa mid ka mid ah weeraryahannada lambarka 9-aad ee ugu wanaagsan abid. Waa gooldhaliye dabiici ah, aad u deggan marka uu goolka hortiisa joogo. Aad baan u jeclahay sida uu u ciyaaro.”
=XIGASHO LAACIB.NET=
