XIGASHO LAACIB.NET
Xabi Alonso wuxuu wajahayaa sannadka 2026 isagoo ku jira cadaadis aad u weyn, iyadoo saddex kulan oo soo socda lagu tilmaamay “kulamo kama dambays ah” oo go’aamin kara mustaqbalkiisa Real Madrid.
Warbixin uu daabacay wargeyska AS ayaa muujisay culayska saaran tababaraha reer Spain, kaas oo helay nafis kooban kaddib markii uu ku dhammeeystay 2025 saddex guul oo xiriir ah, balse weli booskiisu ma aha mid ammaan ah, iyadoo hadal-hayn xooggan uu harreeyay mustaqbalkiisa.
Imtixaanka ugu horreeya wuxuu imanayaa dhammaadka toddobaadkan marka Real Betis ay marti ku noqdaan garoonka Santiago Bernabéu, kulan ay tahay in la badiyo si loo soo af-jaro hoggaanka Barcelona loona joojiyo Atlético Madrid oo kaalinta saddexaad ku jirta inay farqiga soo yareyso.
Guuldarro ama barbaro kasta waxay sii ballaarin kartaa farqiga sare, waxayna kordhin doontaa cadaadiska saaran Alonso.
Kadib waxaa xiga nus-dhammaadka Super Cup-ka Spain oo ay la ciyaarayaan Atlético Madrid, kulan ay maamulka klubku u arkaan mid lama huraan u ah in la helo koobkii ugu horreeyay ee Alonso.
