MOQO-KORI (DAYNIILE.COM)-Gudoomiyaha Degmada Moqokori ee Gobolka Hiiraan Maxamed Cabdi Mocow ayaa ka hadlay xaalada dagaalada ay kula jiraan kooxda Alshabaab gaar ahan aaga Ceel-hareeri oo asbuuc ku dhawaad dagaalo lagu qiirmay ay kula galeen Alshabaab.
Gudoomiyaha wuxuu si cad u sheegay in Macwisleyda reer Hiiraan go’aansadeen inay dilaan alshabaab-ii ay nolosha ku qabtaan,wuxuuna meesha ka saaray in maxbuus ahaan loo hayo si ugu damben sharciga loo hor-geeyo.
” Alshabaabkii aan qabano waa dileynaa , hadaanba u sheegeynaa Dowlada ma jirto wax maxbusu la dhaho”ayuu yiri Gudoomiye Maxamed Cabdi Mocow
Masuulkaani wuxuu si cad u sheegay hore loo weydiiyay su’aalo ku saabsan alshabaab ma qabateen ,wuxuu carabka ku adkeeyay inay tobanaan Al-shabaab ah qabteen isagoona ku celceliyay inay agtooda ka jirin wax maxbuus la dhaho kaliyana ay cadeynayaan inay dilayaan alshabaab-kii ay dagaalka ku qabtaan.
Dhanka kale Gudoomiyaha wuxuu sheegay in Alshabaab-kii ugu badnaa ay isku soo urursheen Degmada Aadan Yabaal ee Gobolka Shabeelaha dhexe oo xad la leh Degmada Moqokori ee Gobolka Hiiraan kuwaasoo sheegtay inay Hiiraan ku wajahan yihiin.
“waa ka war heynaa Alshabaab meel kasta isaga yimid ee leh anagoon Hiiraan qabsan howl kale nooma taal laakiin waxaan u sheegeynaa uma suurtagaleyso arintaasi “ayuu mar kale yiri Gudoomiyaha Moqokori
XAFIISKA WARARKA SIYAASADA
DAYNIILE.COM 
