Muqdisho, 10 December 2023: Guddoomiye Kuxigeenka Maamulka iyo Maaliyadda Gobolka Banaadir, Mudane Ciise Maxamuud Guure ayaa xarigga ka jaray suuq casri ah oo laga hir-geliyay deegaanka Gubaley, kaasi oo qeyb ka ah Mashaariicda horumarineed ee kaabayaasha Ganacsiga iyo Dhaqaalaha.
Mudane Ciise Guure ayaa sheegay in suuqaan uu muhiimad gaar ah u leeyahay dadka deegaanka, isla markaana ay kaga faa’ideysan doonaan fursadaha Ganacsi, asigoona dhinaca kale xusay in mashaariicyo horey loogu fuliyay deegaanka iyo midkaan uu qeyb ka qaadaanayo sidii ay Degmo buuxda u noqon laheyd Deegaanka Gubadley.
Munaasabada waxaa goobjoog ka ahaa Guddoomiyaha Deegaanka Gubadley Mudane Cabdullaahi Nuur kaalibeey Agaasimaha Guud ee waaxda Qorsheynta Maamulka Gobolka Banaadir, Odayaal, Waxgarad iyo qeybaha kala gedeisan ee Bulshada.
—𝗗𝗛𝗔𝗠𝗠𝗔𝗔𝗗—