Waxaa Caawa aad baraha bulshada u qabsaday hadal heyn weyn oo ka dhalatay hadalo kulul oo ay is dhaafsadeen Ama isugu jawaabeen Wasiirada Warfaafinta labada Maamul ee kala ah Puntland iyo SSC Khaatumo
Ugu horeyn Wasiiraka Warfaafinta Puntland ayaa sheegay in Laas-caanood noqotay guri-waraabe wuxuuna soo jeediyay in Shirka ka socda albaabada la isugu dhufto.
“Laascaanood waxay noqotay guri-waraabe; waa in la xiraa oo albaabada laysugu dhufto shirkaasi “ayuu yiri wasiir Maxamuud Ceydiid Dirir.
Wasiirka Ceydiid intaaa ugama harine wuxuu durey ergooyinka ka yimid Gobolka Sanaag ee Beesha Warsangeli.
“Tahriibayaasha reer Sanaag waa in la celiyo; Sool iyo Buuhoodle-na waa Puntland cid ka saari kartana ma jirto”ayuu yiri Wasiirka Puntland oo sidoo kalana Dowlada Somaliya ku tilmaamay burcad.
Arinta sida xooggan baraha bulshada u ruxday ayaa ahayd markii Wasiirka Warfaafinta SSC Khaatumo jawaad adag ka bixiyay isagoona waliba u hadlay sidii lagu bartay wasiir Ceydiidka Puntkand.
Wasiirka Warfaafinta SSC Khaatumo Najiib Barkhadle ayaa ku tilmaamay nin jirkiisa ka gaancsada dhigiisa Puntland .
“Ceydiid waa nin jirkiisa ka ganacsada”ayuu yiri Wasiir Najiib Barqadle
Wasirka SSC Khaatumo isna intaa kuma joogaasane wuxuu mar kale sheegay in Puntland ay arki jirtay xildhibaano sida uu sheegay ay jawaano ku gurtaan balse hada xaalku sidaas ka duwan yahay.
“waxba lagama beddeli karto SSC lamana hor-istaagi karo, keliya waxa Punland u furan hal wado waana in nabad lagu wada-noolaado.”
Markaan waxaa muuqaneysa in wasiirka Wrafaafinta Puntland uu ku soo baxay Wasiir jawaab degdeg ah siiya waliba isla habka uu hadli jirey oo kale.
XAFIISKA WARARKA SIYAASADA
DAYNIILE.COM
