XIGASHO LAACIB.NET
Lamine Yamal wax saameyn ah ma yeelan kulankii Barcelona iyo Chelsea, taasoo ugu wacnayd Marc Cucurella oo si aad ah u difaacayay kana dhigay mid aan fursad helin.
Tababaraha Barcelona, Hansi Flick, ayaa kulanka kadib fariin cad u diray xiddiga da’da yar:
“Cucurella waa mid ka mid ah daafacyada bidix ee ugu fiican adduunka, waa ciyaaryahan heer sare ah,” ayuu yiri Flick.
“Laakiin hadda waa waqtigii Lamine uu u istaagi lahaa inuu muujiyo sida uu u fiican yahay. Waa inuu hilmaansiiyo dadku wixii dhacay kulankii Chelsea.”
Flick ayaa sheegay in tani tahay marxalad uu Yamal ku caddeyn karo tayadiisa dhabta ah:“Tani waa waqtiga uu muujinayo awooddiisa.”
Barcelona ayaa kulanka xiga ku wajahaysa Deportivo Alavés Camp Nou, taasoo noqon karta fursad uu Yamal ku xasuusiyo taageerayaasha sida uu u yahay mid ka mid ah ciyaartoyda ugu hibada badan dunida.
XIGASHO LAACIB.NET
