Hansi Flick oo sharaxay sababta uu u bed-beddelo daafacyada dhexe ee Barcelona

XIGASHO LAACIB.NETTababaraha Barcelona, Hansi Flick, ayaa ka hadlay su’aalaha ku saabsan sababta uu tan iyo bilowgii xilli ciyaareedka u bed-beddelo daafacyada dhexe ee kooxdiisa.

Flick ayaa kulamo kala duwan ku soo bilaabay Andreas Christensen, Ronald Araújo, Pau Cubarsí iyo Eric García, taas oo taageerayaasha iyo falanqeeyayaasha ku abuurtay shakiga ah inuusan garanayn lammaanaha daafac dhexe ee ugu fiican kooxdiisa.

Si kastaba, isagoo shir jaraa’id kaga hadlayay kulanka PSG, Flick ayaa ku dooday in xaaladdu aysan sidaas ahayn.

“Ma aha inaanan helin daafacyada dhexe ee bilowga ama wax la mid ah,” ayuu yiri Flick.

“Waxaan leenahay kalsooni iyo tayo badan; waxaadna arkeysaa dhaawacyada labada kooxoodba, waana inaan si taxaddar leh u maamulnaa,” ayuu tababaraha Jarmalka ku daray.

Barcelona ayaa si taxaddar leh u maamulaysa xaaladda ciyaartoyda difaaca si aysan mar kale ugu dhicin dhibaato dhaawacyo badan ah oo kooxda saameeysa.

XIGASHO LAACIB.NET