Sida lagu baahiyay raadiyaha ciidamada Dowlada Maamulka degmada Walanweyn ee gobolka Shabeellaha Hoose, oo kaashanaya Ciidanka Xoogga Dalka Soomaaliyeed iyo Booliska degmada, ayaa ku guuleystay inay si nabad ah ugu kala celiyaan hanti kala dhexmartay beelo wada dega degmadaasi.
Hantida la isku hayay ayaa ka koobnayd geel iyo mootooyin, kuwaas oo beeluhu kala qaateen hase ahaatee maamulka degmada iyo ciidamada qaranka sida oo si degdeg ah u dhexgalay ayaa arrinta ku dhameeyay wadahadal iyo tanaasul.
Tallaabadan ayaa qeyb ka ah dadaallada ay wadaan Maamulka degmada Walanweyn iyo Ciidanka Qalabka Sida ee Soomaaliyeed, kuwaas oo xooga saaraya xoojinta amniga, nabadeynta bulshada iyo ka hortagga colaadaha hoose ee deegaanka.
