Haweeney la sheegay iney ka tirsaneyd ciidamada DF  ayaa saaka lagu dilay agagaarka hoygeeda oo ku yaalla degmada Hodan ee Magaalada Muqdisho.

Marxuumad Dahabo Jimcaale Cali ayaa waxaa rasaas ku furay rag bastoolado ku hubeysan oo weerar ku soo qaaday xilli ay ku sugeyd guri ay degeneyd oo ku yaalla agagaarka Isbitaalka Erdogan (Ex-Digfeer).

Ragga dilka geystay ayaa ka baxsaday goobta, iyadoo haweeneyda ay dileena ay ku qur baxday isla goobta.

Falalka amni darada ee ka dhaca magaalada Muqdisho ayaa xoogeystay 24kii saac ee la soo dhaafay, shalay ayeyna aheyd markii magaalada ay ka dhaceen qaraxyo midkood loo adeegsaday gaari miineysan, kuwaasoo sababay dhimasho iyo dhaawac.

LEAVE A REPLY

Please enter your comment!
Please enter your name here