Madaxii shirkadda boostada dalka Australia ayaa xilka iska casishay kaddib markii ay afar ka mid ah shaqaalaheeda abaalmarin ahaan u siisay saacado qiimahoodu yahay A$20,000 (£10,500; $14,000).

Christine Holgate, oo ahayd madaxa shirkaddaas tan iyo sanadkii 2017, ayaa la kulantay cambaareyn xooggan, iyadoo dad badan ay falkaas u arkeen in lacgu cayaarayo lacagta dadweynaha.

Haddiyadda saacadaha Cartier ayay Holgate siisay shaqaalaheeda sanadkii 2018, guddi baarlamaanka ah ayaase arrintaas baaritaan ku sameeyay.

Ra`iisul Wasaaraha Australia Scott Morrison ayaa sheegay inuu ka xun yahay arrintaas.

Mar uu bishii la soo dhaafay ka hadlayay arrintaas ayaa Mr Morrison wuxuu ugu baaqay haweeneydan ka soo jeedda dalka Britain inay xilka iska casisho.

Wuxuu sheegay in lacagaha la siiyo shirkadda boostada ay ka timaadda canshuur bixiyeyaasha Australia, ayna tahay in lacagtaas loo kharash gareeyo si ay ku qanacsan yihiin canshuur bixiyeyaasha.

Australia Post waxaa maamula guddi madax bannaan balse waxaa leh dowladda Australia.

Maanta ayay Ms Holgate ku dhawaaqday inay xilka iska casishay.

Ms Holgate ayaa mar walva difaacda go`aanka ay haddiyadaha ku siiso shaqaalaha qabtay shaqooyinka wanaagsan, iyadoo tiri “Waa inaad ka mahadcelisaa isla markaana abaalmarin ku bixisaa dhaqanka wanaagsan”.

Waxay sheegtay in shaqada ay qabteen shaqaalahaas ay shirkadda u soo jiidday maalgashi dhan A$220m, isla markaana ay horumarisay dhaqaalaha shirkadda.

Australia Post ayaa door weyn ka cayaartay dalkaas, xilligan oo uu socdo xanuunka safmarka ah ee coronavirus, iyadoo ah shirkadda ugu weyn ee alaabaha ay dadku dalbadaan u geysa.

 

Ka dhageyso Muxaadaro cusub TEL 001 6057813292

MUXAADARO CUSUB Live UK TEL 03306060934

Fadlan Hadii aad u baahantahay Macluumaad dheeraad ah naga la soo Xiriira.

Email: dayniilecom8@gmail.com

TEL 00254714116520

LEAVE A REPLY

Please enter your comment!
Please enter your name here