MUQDISHO (DAYNIILE.COM)-Hay’ada bixinta kaarka aqoonsiga Somalinimada ee NIRA ayaa warbaahinta waxay ka shaaciyeen in bishaan Oktoobar dhamaadkeeda uu ku egyahay bixinta kaararka sida lacag la’aanta ah lagu bixiyo.
Masuuliyiin Hay’ada NIRA u hadlay waxay si cad u sheegeen in 31-ka bishaan Oktoobar ay ku egtahay lacag la’aanta lagu bixiyo kaarka islamarkaana wixii ka bilowda 1-da November in kaarka lagu qaadan doono lacag.
Hay’adu waxay shacabka ugu baaqayaan inay ka faa’iideystaan kaar bixinta hada socota oo ay ugu magac dareen fursad qaran ka hor inta aan lacag laga dhigin.
Madaxweynaha Somalia Dr. Xasan Sheekh ayaa dhawaan mar uu ka hadlayay ahmiyada Kaarka aqoonsiga Somalinimo wuxuu sheegay inay qof kasta qasab ku tahay madaama adeeg kasta lagu xujeyn doono muwaadinka Kaarka NIRA isagoo tusaale u soo qaatay xitaa hadii qofku safar uga baxayo halka uu joogo meel kasta ha aadee,iyo sidoo kale haday shahaato waxbarasho tahay iyo dhamaan adeegyada kale.
XAFIISKA WARARKA SIYAASADA
DAYNIILE.COM
