HESHIISKA JANAN MA CALEEMO QOYAN MISE XANIINYO TAABADKA EHELKA ROOBOW

Heshiiska C/Rashiid Janan iyo Dowladu maxuu ka dhigan yahay ma Dowlad iyo Mucaarad heshiiyey baa. Ma qabiil heshiiyey baa. Ma laba qofood oo wax u qarsoon ky dirirsanaa oo farmaajo iyo Janan ah oo ku heshiiyey baa. Maxuu kaga duwan tahay Mukhtaar Roobow oo isagu go’aansaday in uu nabada ka qeyb qaato isuna soo dhiibay oo haatan xabsi ku xanuunsanaya. Maxaa ilaa heer intaa la’eg loogu weyneynayaa. Waa su’aalaha dowlada looga baahan yahay inay bulshada la wadaagto.

Dhinaca kale janan waxaa laga xiray garoonka dayuuradaha ee Muqdisho oo uu sii mare ku ahaa 30/8/2019 sida ay cadeysay Jen. ZAKIYA oo aheyd afhayeenka booliska maalintii xigtay. Fakashadiisa kadib waxaa lagu eedeeyay xasuuq iyo dhibaato bini aadminimo in uu sameeyay. Sidoo kale Xukuumadu waxay ku tilmaantay qaran dumis ku soo duulay dalkiisa isagoo u dagaalamaya dal shisheeye oo kenya ah.

Hadaba Warrant-igi Maxkamada iyo dalabkii booliska Soomaaliyeed ay u gudbiyeen Interpol iyo soo qabashadii heer caalami ee interpol ee Janan wey taagan tahay. Sifo heshiiskan lagu tilmaami karo ma jiro. Oo aan aheyn gurbaan gacantada ha kugu jiro ama gacalkaa ha kuu hayo. Sharciguna waxuu noqday mid ku xiran hadba rabitaanka qofka markaa xilka haya. Hadii Madaxweyne caadil ah dalka xukumi lahaa. Janan waxaa laga qaadi lahaa ugu yaraan talaabo adag. Halka Haatan caleemo qoyan ay dowladu ku soo dhoweysay Qabyaalad awgeed. Muqtaar Roobowna uu weli xabsiga ku rafaadsan yahay. Cadaaladu wey shaqeyn mar ay Tahayba

Qore Wariye Cabdirashiid Deel

LEAVE A REPLY

Please enter your comment!
Please enter your name here