TEHRAN (DAYNIILE.COM)-Hogaamiyaha Sare ee Iran Ali Khamenei ayaa si adag uga hadlay weerarkii habeen hore Mareykanku ku soo qaaday dalkiisa isagoona inta badan adeegsatay ereyo hanjabaado u badan.
Ali Khamene wuxuu sheegay inay ciqaabi doonaan wax uu ugu yeeray cadowga Sahyuuniyadda xili uu ka hadlayay weerarkii diyaaradaha Mareykanka ku qaadeen xarumaha nuyukleerka Iiraan.
Madaxweynaha Mareykanka Donald Trump oo isna hadlay ayaa sheegay in loo baahan yahay isbedel maamul uu ka dhaca Dalka Iiran isagoo si cad u sheegay inay iyaga la tahay in meesha laga saaro Hogaamiyaha Sare ee Iran Ali Khamenei
“Haddii taliska Iran ee hadda jira uu awoodi waayo inuu mar kale Iran ka dhigo mid weyn, maxay u dhici la’dahay isbedel maamul?”ayuu yiri Donald Trump
Sidoo kale Madaxweyne IIraan Masoud Pezeshkian ayaa soo hadal qaaday dagaalka uu ku soo biirey Mareykanka iyo weerarka ay IIraan ku soo qaadeen iyagoo adeegsanaya diyaarado casri ah iyo Bambooyinka dhulka hoose wax ka burburin kara.
“Mareykanku waa in ay helaan jawaabta gardaradooda”ayuu yiri Madaxweyne IIraan Masoud Pezeshkian
Dhanka kale Hay’adda Qaramada Midoobay u qaabilsan ilaalinta Nukliyeerka ayaa sheegtay in aysan jirin warbixino sheegaya in ay kordheen heerka shucaaca ka baxsan goobta ka dib duqeyntii Mareykanka ee goobaha Fordow, Natanz iyo Isfahan.
Dowlada Iran ayaa sheegtay in ka badan 400 oo qof ay kaga dhinteen dagaalka , ugu yaraana 3,056 kalena ay ku dhaawacmeen tan iyo markii Israa’iil ay weerartay 13-kii June.
SOURCE ALJAZEERA
XAFIISKA WARARKA SIYAASADA
DAYNIILE.COM
