XIGASHO LAACIB.NET
Daaficii hore ee Liverpool, Jamie Carragher, ayaa sheegay in kulanka Arsenal ay booqanayso Aston Villa uu noqon doono “imtixaan dhab ah” oo ku wajahan tartankooda Premier League.
Gunners ayaa kulanka soo gelaysa iyagoo shan dhibcood ka sarreeya Manchester City, isla markaana hoggaanka haya.
Si kastaba, Aston Villa oo ku jirta kaalinta saddexaad, afar dhibcood kaliya ka dambaysa Arsenal, ayaa loo arkaa kuwo adag oo si buuxda u tijaabin kara kooxda Mikel Arteta.
Carragher ayaa bartiisa X ku yiri:
“Arsenal waxay ilaa hadda u muuqdeen kooxda ugu fiican horyaalka, farqi weynna ayey kaga sarreeyaan kooxaha kale, laakiin Man City weli waxay u jirtaa shan dhibcood oo keliya.Waddo dheer ayaa sugaysa Gunners.Imtixaan ayaa laga yaabaa inuu u ku noqdo kulanka berri marka ay la ciyaarayaan Aston Villa!!”
XIGASHO LAACIB.NET
