MUQDISHO (DAYNIILE.COM)- Jen Gacma Dulle oo ka mid ah saraakiisha ciidamada Xooga ee caanka ayaa la sheegay inuu u istaagay xalinta xiisada ka dhex taagan Jen.Saneey Cabdulle iyo Dowlada Soomaaliya taasoo sababtay in Dowladu ciidamo badan geyso Degmada Gubadleey oo Saney Cabdulle uu degan yahay.
Dowlada ayaa qorsheysay inay hub ka dhigis ku sameyso Saneey Cabdulle xili ay uga shakisan yihiin sida la rumeysan yahay inuu caawin karo mucaaradka hadii ay Dowlada dagaal kala hortagaan sidii dhacday xiligii Farmaajo markaasoo dagaalkii bilowday subixii uu dhamaaday habeenkii saq dhexe waliba iyadoo Ramadaan ay ahayd.
Wararka ayaa tilmaamaya Jen,Gacma Dulle oo kaashanaya Saraakiil kale oo Beesha Muddulood u dhalatay inuu bilaabay sidii uu ugu kala dab qaadi lahaa labad dhinac si uu heshiis u dhex dhigi oona looga baaqdsado dagaal dhiig ku daato.
Lama yaqaan sida uu ugu guuleysan karo xalinta khilaafkaani oo wali taagan walow aaney jirin wax iska hor imaad ah balse Dowlada ayaa qaaday talaabooyin muujinaya xiisada markii dhawaan ay xilka ka qaaday Gudoomiyihii Gubadleey iyadoona mid cusub lagu badlay madaama Gudoomiyaha uu aad ugu dhaw yahay Saneey Cabdulle.
XAFIISKA WARARKA SIYAASADA
DAYNIILE.COM
