Jeneral Xaftar oo ku dhawaaqay xabad joojin hal dhinac ah

Hoggaamiyaha xoogaga ka dagaallama galbeedka Liibiya jeneral Khalifa Xaftar ayaa sheegay in ay aqbaleed xabbad-joojinta ay ku baaqeen waddamada Raashka iyo Turkiga, islamarkaana ay dhaqangelin doonaan wixii ka dambeeya 12 bishan.

Waxyar uun kadib markii ay jabhada Xaftar ay ku dhawaaqeen arrintaas, madaxweynaha Turkiga Recep Tayyip Erdogan iyo dhiggiisa Ruushka vladimir Putin oo qadka taleefanka ku wada xiriiray ayaa ka wada hadlay xaaladda kasoo rayneysa ee Liibiya iyo horumarada laga gaaray.

Kooxda uu hoggaamiyo jeneral Xaftar ayaa u dagaallameysa sidii ay ula wareegi lahaayeen magaalada caasimada ah ee Tripoli tan iyo bishii Abril.

Horraantii isbuucii aan soo dhaafnay ayey Turkiga iyo Raashka si wadajir ah ugu dhawaaqeen xabbad-joojin ka dhaqan gasha dalka Liibiya, taasi oo ay aqbaleen labada dhinac eeĀ  dawlada iyo jabhada jeneral Xaftar.

Dhanka kale isbuucii lasoo dhaafay ayuu Turkiga billaabay in uu ciidamo usoo daabulo Liibiyo, kadib codsi rasmi ah kaga yimid dawlada uu caalamku aqoonsanyahay ee ka jirta Liibiya.

In ka badan 280 dad rayid ah iyo ku dhawaad 2,000 oo dagallamayaal ah ayaa ku dhintay waxaana ku barakacay 146,000 oo shacab ah tan iyo markii uu bilawday gulufka u dhexeeya dawlada iyo xoogaga jeneral Xaftar, sida ay sheegtay qaramada midoobay.

Untitled Document

Ka dhageyso Muxaadaro cusub TEL 001 6057813292

MUXAADARO CUSUB Live UK TEL 03306060934

Fadlan Hadii aad u baahantahay Macluumaad dheeraad ah naga la soo Xiriira.

Email: dayniilewb@gmail.com

TEL 00252618895064