QAZA (DAYNIILE.COM)-Ciidamada Israa’iil ayaa duqeeyay isbitaalka al-Ahli ee magaalada Gaza, halkaas oo ay ku dileen ugu yaraan 7 qof, xilli uu millatari uu qorshaynayo in uu xoog ku barakiciyo falastiiniyiinta oo la geeyo goobaha xoogga lagu saaro ee koonfurta.
Wasaaradda caafimaadka Falastiin ayaa sheegtay in 11 qof oo kale ay u dhinteen gaajo ay sababtay Israa’iil 24-kii saac ee la soo dhaafay, taas oo tirada dhimashadu ka dhigayso 251. Dadka dhintay waxaa ku jira 108 carruur ah.
Tobanaan kun oo Israa’iiliyiin ah ayaa isugu soo baxay magaalada Tel Aviv, iyagoo ku baaqaya in la joojiyo dagaalka Gaza, lana soo celiyo maxaabiista ay gacanta ku hayso Xamaas, iyadoo ay sii socdaan mudaaharaadyada caalamiga ah ee looga soo horjeedo dilka Israa’iil ee suxufiyiinta Aljazeera.
Si kastaba Dagaalka Israa’iil ee Gaza isu geyn waxaa ku dhintay ugu yaraan 61,827 qof, waxaana ku dhaawacmay 155,275. Qiyaastii 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay Oktoobar 7, 2023, in ka badan 200 oo qofna waa la qafaashay.
SOURCE ALJAZEERA
XAFIISKA WARARKA SIYAASADA
DAYNIILE.COM
