Ciidamada Dowlada Soomaaliya gaar ahaan kuwa sida gaarka ah u tababaran ayaa ku guuleestay in saacado badan kadib ay soo afjaraan weerarkii Al Shabaab ku galeen Hotelka Afrik ee magaalada Muqdisho.

War kasoo baxay dowlada Soomaaliya ayaa lagu sheegay in ciidamada toogteen sadex kamid ah afar dagaalyahan oo weeraray Hotelka halka midka afaraadna uu is qarxiyay kahor inta aysan ciidamada toogan.

Dowladda Soomaaliya, warka kasoo baxay ayaa lagu sheegay in weerarka Al Shabaab ku qaadeen dhismaha Hotelka Afrik lagu dilay shan qof uu ku jiro General Maxamed Nuur Galaal, oo kamid ahaa saraakiishii hore ee milatariga Soomaaliya.

Dowlada ayaa sheegtay in Al Shabaab caadeysatay waxyeelada dadka rayidka ah, kadib markii ciidamada dowladdu kaga adkaadeen furimaha dagaalka, iyadoo laga qabsaday goobo badan, isla markaana inta badan madaxdooda lagu laayay duqeymo cirka ah.

Warka kasoo baxay dowlada ayaa lagu sheegay in Ciidamada amniga Soomaaliya qeybahooda kala duwan aysan marnaba ka daali doonin la dagaalanka iyo soo afjaridda kooxaha argagixisada

 

LEAVE A REPLY

Please enter your comment!
Please enter your name here