General Abdourahmane Tiani ayaa loo magacaabay madaxa cusub ee qaranka kadib afgambigii militariga ee todobaadkii hore
Magaalooyinka waaweyn ee dalka Niger ayaa waxaa soo food saaray mad madow ka dhashay afgambigii todobaadkii hore ka dhacay dalka ku yaala Galbeedka Afrika.
Koronto yaraanta ayaa ka dhalatay ka dib markii Nigeria ay jartay sahaydii ay siin jirtay dariskeeda waqooyi, shirkadda korontada ee Niger Nigelec ayaa sheegtay.
Ururka ganacsiga galbeedka Afrika ee Ecowas ayaa cunaqabatayn ku soo rogay Niger sababo la xiriira afgambiga balse ma aysan sheegin in ay ku jiraan sahay koronto.
Madaxda difaaca ee Ecowas ayaa ku kulmaya Nigeria si ay uga wada hadlaan dhibaatada Niger.
Axadii, hogaamiyayaasha Galbeedka Afrika waxay u qabteen taliska militariga Niger muddo toddobaad ah si ay uga tanaasulaan awoodda haddii kale ay suurtagal tahay faragelin militari.
Wadamada Yurub ayaa hadda muwaadiniintooda ka daad gureynaya dalka Niger.
Afrika Live: Warar ku saabsan arrintan iyo sheekooyin kale oo qaaradda ah
Hage fudud waxa ka dhacaya Niger
Inqilaabka Niger: Waa tijaabo dimoqraadiyadeed oo ka jirta Galbeedka Afrika
Dadka ku nool magaalooyinka Niamey, Maradi iyo Zinder ayaa koronto ku dhawaad hal saac ah isku mar heysta ka hor inta aysan damin ilaa shan saacadood.
Koronto goynta kuwan oo kale waa mid aan caadi ahayn Niger, taas oo sida caadiga ah haysata sahay joogto ah oo la isku halayn karo.
Balse wadanku waxa uu aad ugu tiirsan yahay deriskiisa qaniga ah ee koonfurta, Nigeria, oo ah dalka ugu wayn ee korontada keena.
Shirkadda gudbinta ee Nigeria ayaa diiday inay ka hadasho goynta korontadda ee Niger. Laakin ilo aan la shaacin ayaa BBC u sheegay in saadka Niger la gooyay Talaadadii ka dib amar madaxweyne.
Madaxweynihii sida dimuqraadiga ah loo doortay ee dalka Niger Mohamed Bazoum ayaa todobaadkii hore afgambi militari ay ku afgambiyeen ilaaladiisa gaarka ah oo taagnaa banaanka qasrigiisa.
