Wararka ka imaanaya gobolka Gedo ayaa sheegaya in kulamadii ka socday degmada Garbahaarey ay soo dhammaadeen, kadib markii kulan ay yeesheen guddoomiyeyaasha degmooyinka gobolka, iyadoona heshiis hor udhac ah ay ka gaareen muranka ka taagan gobolka Gedo.

Kulamada ayaa la sheegayaa in la isku afgartay in guddi xaqiiqo raadin ah oo ka socdo Maamul Gobaleeyada Dalka ay tagaan degmada Garbahaarey, marka uu soo dhammaado shirka la filayo inuu ka furmo magaalada Baydhabo ee gobolka Baay, sida ay ilo wareedyo u sheegeen KNN

Wararka qaar ayaa sheegaya in guddiga marka ay tagaan Garbahaarey ay kulamo la qaadan doonaan bulshada qeybaheeda kala duwan, maadaama dadka deegaanka laga sugayo in ay soo gudbiyaan qofka loo magacaabi lahaa guddoomiyaha degmada Garbahaarey ee gobolka Gedo

Wafdiga shalay tagay degmada Garbahaarey ayaa lagu wadaa in ay sii joogi doonaan degmadaasi, islamarkaana ay sugi doonaan wafdi xaqiiqo raadin ah ee ka socda maamul goboleedyda, kuwaasi oo xal ka gaari doono muranka ka taagan arrinta gobolka Gedo.

Shirkii dhawaan ku soo dhamaaday magaalada Dhuusamareeb ayaa fashil ku soo idlaaday, kadib markii Dowladda Federaalka ah ay iska diiday in Jubbaland ay Maamul u magacowdo degmada Garbahaarey ee gobolka Gedo

LEAVE A REPLY

Please enter your comment!
Please enter your name here