XIGASHO LAACIB.NET
Waxaa si rasmi ah loo sameeyay isku aadka Koobka Adduunka 2026, waxaana durba la ogaaday in lagu furi doona kulan soo jiidan doona indhaha malaayiin taageerayaal ah: Mexico vs South Africa.
Labadan xul ayaa noqon doona kuwo dib u furi doona koobka adduunka, arrin xusuus gaar ah u leh taageerayaasha maadaama ay isku arkeen furitaankii Koobka Adduunka 2010 ee lagu qabtay koonfur Afrika.
Markaas South Africa ayaa ahayd martigeliyihii tartanka, halka Mexico ay ahayd martida ugu horreysay ee garoonka ka degta. Kulankaasi wuxuu ahaa mid taariikhi ah oo ay weli xusuustaan taageerayaal badan.
Hadda taariikhdu waa soo noqotay!
Tartanka 2026 oo lagu qabanayo USA, Canada & Mexico wuxuu dib u soo celinayaa kulankii ugu horreeyay ee 2010, balse markan:
Mexico waxay ku ciyaaraysaa gurigeeda,iyadoo taageerayaal malaayiin ah garoonka soo buuxin doonaan.
South Africa waxay dooneysaa inay ku bilowdo aargudasho iyo sharaf raadis.
Labada xul waxay ku jiraan marxalad cusub oo dhanka dhismaha kooxaha ah, taasoo ka dhigeysa kulanka mid saadaal adag leh.
Maxaa ka dhigi kara furitaanka 2026 mid ka sii xiiso badan kii hore?
Mexico oo doonaysa inay sameyso billowga ugu fiican maadaama ay martigelinayaan koobka.
South Africa oo mar walba garanayso sida loo abuuro xamaasad, sidii ay sameeyeen 2010 markii ay Argentina iyo France xaalad halis ah ku abuureen.
Taageerayaal ka kala imanaya saddex qaaradood oo garoonka isku arki doona.
Mexico vs South Africa, mar kale waxay fureysaa sheeko cusub oo kubadeed oo dunida oo dhan ay daawan doonto.
XIGASHO LAACIB.NET
