Kulankii lagu waday inuu iskugu yimaado Baarlamaanka Somaia ayaa lagu kala dareeray, kaddib markii furitaanki shirka ay is hortaageen qaar ka mid ah Xildhibaannada Mucaaradka oo diiday in shirka furmo.

Xildhibaanada mucaaradka ayaa sidoo kale diday iney saxiixaan buugga lagu diiwaangeliyo tirada xildhibanaada soo xaadiray kulanka.

Guddoomiyaha Baarlamanka Maxamed Mursal Shiikh C/raxmaan ayaa faray howlwadeenada baarlamaanka in ay soo qoraan xildhibaanada is hor istaaga ku sameeyay kulanki maanta si tallaabo looga qaado sida uu qabo xeer hoosaadka baarlamaanka.

Xildhibaanada is’hortaaga sameeyey oo ay ka mid ahaayeen Mahad Salaad, C/llaahi Cismaan Nuur iyo qaar kale ayaa shaki ka qabay in ajendaha kulanka ee ahaa COVID-19 uu yahay mid been abuur ah uuna ku hoos qarsan yahay ajende kale oo muddo kororsi ah.

Waxaa fadhiga hareeyey buuq iyo sawaxan sababay in lagu kala dareero fadhiguu maanta oo si weyn isha loogu hayey.

LEAVE A REPLY

Please enter your comment!
Please enter your name here