XIGASHO LAACIB.NET
Warar ka soo baxay warbaahinta Faransiiska ayaa sheegaya in Kylian Mbappé uu ahaa mid ka mid ah xiddigaha sida weyn uga xumaaday ceyrintii Xabi Alonso ee kooxda Real Madrid.
Sida ay werisay jariiradda L’Equipe, Mbappé ayaa sameeyay wax kasta oo uu awooday si uu uga hortago in Alonso xilka laga qaado. Tani waxay sharraxaysaa sababtii uu xiddiggan ugu adkaystay inuu ka qayb galo final-kii Super Cup-ka Spain ee ka dhacay dalka Sucuudiga, isagoo markii hore la dhibtoonayay dhaawac fudud.
Mbappé ayaa dareensanaa in haddii Alonso uu ku guuldarraysto kulanka Barcelona, in maamulka kooxdu ay ceyrin doonaan, sidaas darteed wuxuu u safray Jeddah isagoo isku dayaya inuu badbaadiyo booska tababaraha uu ixtiraamka weyn u hayo.
Arrintan ayaa muujinaysa xiriirka dhow ee ka dhaxeeyay Mbappé iyo Xabi Alonso, iyadoo xiddigga reer Faransiis uu hadda wajahayo xilli-ciyaareedka inta ka dhiman isagoo ka hoos ciyaaraya Álvaro Arbeloa.
XIGASHO LAACIB.NET
