CEELWAAQ (DAYNIILE.COM)-Wararka aan goor dhaw ka heleyno Magaalada Ceelwaaq ee Gobolka Galgadudu ayaa sheegaya in halkaasi uu caawa dagaal ka qarxay kaasoo u dhexeeya dadka deegaanka oo kala taageersan Madaxweynaha Maamulka Galmudug Axmed Cabdi Kaariye Qoor-Qoor iyo Musharax Liibaan Shuluq.
Wararka qaar ayaa sheegaya in waxyaabaha Dagaalka dhaliyay caawa ay ka mid tahay xaflad lagu taageerayo Liibaan Shuluq oo la hor istaagay inkastoo sababo kalana ay soo bixi karaan ,wali lama xaqiijin karo khasaaraha ka dhashay dagaalka madaama ay habeen tahay dhaq dhaqaaqa dadkuna yar yahay.
Madaxweynaha Galmudug waxaa Ceelwaaq u jooga Wasiiro maamulkiisa ka mid ah kuwaasoo u dhashay Magaalada, waxayna maamulaan gaadiid dagaal iyo ciidamo hoos taga Maamulka Galmudug halka Liibaan Shuluq isna uu taageerayaal hubeysan ku leeyahay isla Ceelwaaq.
Liibaan Shuluq oo ah Ganacsade reer Galmudug ah ayaa ah musharaxa ka socda Xisbiga JSP ee Madaxweyne Xasan wuxuuna raadnayaa inuu noqdo Madaxweynaha ama Hogaamiyaha Dowlad Goboleedka Galmudug sidaas daraad.
XAFIISKA WARARKA SIYAASADA
DAYNIILE.COM
