Wararka ka kala imaanaya Dalalka Sudan iyo Afganistan ayaa kala sheegaya in laba masiibo oo kala duwan oo dalalkaasi ka dhacay inay sababeen dhimashada ku dhawaad 2 kun ruux marka la isku daro labada dal oo muslimiin wada ah.
Markaan u horeyno Dalka Sudan Dhul go’ ayaa burburiyay guud ahaan tuulo ku taal galbeedka gobolka Darfur ee dalkaasi Suudaan, waxaana ku dhintay dad lagu qiyaasay 1,000 qof, sida ay sheegeen jabhadda maamusha aaggaas.
Wakaaladaha wararka ayaa sheegay in Ciidamada dhaqdhaqaaqa xoreynta Sudan ay soo saareen bayaan galin dambe oo isniin ah oo ay kaga warbixinayeen musiibada ka dhacday buuraha Marra ee gobolka Darfur.
Kooxda fallaagada ayaa sheegtay in dhul go’a uu dhacay Axaddii ka dib maalmo roobab xooggan ay ka da’ayeen aagga, tuulada Tarasin ayaa gebi ahaanba dhulka la simay, waxaana ka badbaaday hal qof oo keliya.
Dhanka kale Ugu yaraan 1,124 qof ayaa ku dhintay 3,251 kalena waa ay ku dhaawacmeen ka dib markii dhulgariir cabbirkiisu ahaa 6.0 uu ku dhuftay magaalooyinka iyo tuulooyin ka tirsan Dalka Afgaanistaan kuwaasoo aad ugu dhaw xadka Pakistan.
Hogaamiyaasha Taliban ee Afgaanistaan Maamula ​​ayaa ku baaqay gargaar caalami ah ka dib markii dhulgariirku uu geystay dhibaatooyin badan,sidoo kalana dad badan ay ku dhinteen, dhul gariirkaan ayaa dhulka la simay tuulooyinka oo dhan, taasoo sii xumeyneysa dalka ay dagaalladu aafeeyeen ee awalba la daalaa dhacayay cunto yari iyo dhimista gargaarka shisheeye.
XAFIISKA WARARKA SIYAASADAÂ
DAYNIILE.COM
