XIGASHO LAACIB.NET 
Haddii Iran si rasmi ah uga baxdo 2026 FIFA World Cup, waxaa suuragal ah in lagu beddelo mid ka mid ah labada dal ee kala ah Iraq ama United Arab Emirates.
Iran ayaa ka fiirsaneysa inay ka baxdo tartanka sababo la xiriira xiisadaha siyaasadeed ee u dhexeeya iyada iyo United States, oo ka mid ah dalalka martigelinaya koobka adduunka. Madaxweynaha Mareykanka, Donald Trump, ayaa sheegay inuusan dan ka lahayn haddii Iran ay ka qaybgasho koobkan iyo haddii kaleba.
Shantii maalmood ee u dambeysay waxaa jiray weerarro ay fuliyeen Israel iyo Mareykanka oo lala beegsaday Iran, halka Iran ay iyaduna weerarro ku qaaday xulafada Mareykanka ee Khaliijka.
Dhanka ciyaaraha, Iraq ayaa la filayaa inay la ciyaarto midkood Suriname ama Bolivia kulan play-off ah 31-ka Maarso. Haddii Iraq ay guuleysato, waxay qaadan doontaa booska Iran.
Haddii aysan Iraq ku guuleysan play-off-kaas, UAE ayaa noqon doonta xulka xiga ee Aasiya ugu sarreeya ee beddeli kara Iran.
XIGASHO LAACIB.NET
