Madaxweynaha DG Koofur Galbeed Cabdicasiis Xasan Maxamed Laftagareen ayaa maanta ku wajahan magaalada Kismaayo xarunta KMG ah ee DG Jubbaland si uu ula kulmo dhiggiisa Axmed Maxamed Islaam Madoobe.

Ilo ku dhaw Safarka madaxweynaha Koofur Galbeed ayaa Mustaqbal u sheegay in Cabdicasiis Laftagareen & Madaxweynaha Jubbaland Axmed Madoobe ay kawada hadlayaan arrimaha Doorashooyinka Dalka.

DG Koofur Galbeed ayaa dooratay 11 XIldhibaan oo Golaha Shacabka ah, Balse Dowlad-Goboleedka Jubbaland weli ma shaacin kuraas kamid ah Xildhibaannada Baarlamaanka 11aad ee Federaalka.

Madaxweynaha DG Jubbaland ayaa 15kii November 2021 safar aan horay loosii shaacin ku tagay Magaalada Garoowe ee xarunta DG Puntland, maalmo uu ku sugnaa waxa uu la kulmay Siciid Cabdullaahi Deni waxaana ay diiradda saareen arrimaha Doorashooyinka.

LEAVE A REPLY

Please enter your comment!
Please enter your name here