XIGASHO LAACIB.NET
Sida ay baahisay Sky Sports, Federico Chiesa uma dhowa inuu ka tago kooxda Liverpool inta lagu jiro suuqa kala iibsiga ee bishan January. Inkasta oo kooxaha Napoli iyo Juventus ay xiiseynayaan saxiixa garabkan reer Talantaani, gaar ahaan qaab amaah ah, haddana Liverpool ma doonayso inay fasaxdo xiddigan bishan.
Wararka ka soo baxaya Sky Italia ayaa wax yar ka duwan kuwa Sky Sports, iyagoo sheegaya in Liverpool aysan marnaba dhageysan doonin dalabyo amaah ah, balse ay diyaar u yihiin oo kaliya inay kooxaha xiddiga daneynaya ay kala hadlaan iib rasmi ah haddii la helo dalab ku habboon.
Si kastaba ha ahaatee, ilaa hadda Liverpool ma aysan helin wax dalab rasmi ah oo ku aaddan Chiesa, sidoo kale ciyaaryahanka laftiisu ma uusan soo bandhigin codsi uu kaga tagayo Anfield.
Inkasta oo fursadaha uu helayo ay kooban yihiin, maamulka Reds ayaa weli u aragta inuu yahay xubin muhiim ah oo ka tirsan kooxda inta ka dhiman xilli-ciyaareedka.
XIGASHO LAACIB.NET
