XIGASHO LAACIB.NET
Kooxda Liverpool ayaa dhibco muhiim ah ku lumisay garoonkeeda Anfield ka dib markii ay barbaro 1-1 ah la gashay Burnley, kulan ka tirsanaa wareegga 22-aad ee horyaalka Premier League.
Kulanka ayaa weji xiiso leh yeeshay qaybtii hore markii Dominik Szoboszlai uu Liverpool ka khasaariyay gool ku laad daqiiqadii 33-aad. Si kastaba ha ahaatee, Liverpool ayaa hurdada ka kacday ka hor inta aan loo bixin nasashada, waxaana goolka u furay Florian Wirtz daqiiqadii 43-aad.
Qaybtii labaad ee ciyaarta, Burnley ayaa muujisay dadaal badan, waxayna ugu dambeyntii heleen goolka barbaraha daqiiqadii 65-aad, kaas oo uu u saxiixay Marcus Edwards. Inkasta oo Liverpool ay isku dayday inay guusha raadiso, ciyaarta ayaa ku soo dhammaatay dhibco qaybsi.
Natiijadan ayaa ka dhigan in Liverpool ay hadda leedahay 36 dhibcood, iyadoo fadhida kaalinta afaraad ee kala sarreynta horyaalka, halka Burnley ay dhibcaheeda ka dhigtay 14 dhibcood, iyadoo weli ku jirta kaalinta 19-aad.
XIGASHO LAACIB.NET
