XIGASHO LAACIB.NET
Kooxda Liverpool ayaa kulan la yeelatay weeraryahanka Jean-Philippe Mateta ee Crystal Palace iyo wakiilkiisa, iyadoo uu kulankaasi ka dhacay magaalada Paris maalmihii la soo dhaafay – tallaabo hordhac ah oo ku saabsan suurtogalnimada inuu ku biiro kooxda xagaagan.
Reds ayaa si degdeg ah u raadineysa bedelka Diogo Jota, taasoo ka dhigeysa Mateta mid kamid ah xulashooyinka la tixgelinayo.
Mateta oo 27 jir ah, waxa uu xilli ciyaareedkii hore u saftay Palace 43 kulan, isagoo dhaliyey 17 gool. Waxa uu heshiis kula jiraa kooxda reer London ilaa Juun 2027.
Sidoo kale, Liverpool ayaa dhawaan dhamaystirtay saxiixyada Jeremy Frimpong iyo Florian Wirtz, halka weeraryahanka Newcastle ee Alexander Isak uu weli yahay magac si weyn loola xiriirinayo kooxda.
Dhanka kale, wadaxaajoodyada ku saabsan bixitaanka Darwin Núñez oo lagu wado inuu ku biiro Napoli ayaa caqabad kala kulmaya dhanka dhaqaalaha – Liverpool waxay dalbanaysaa €75m, halka Napoli ay keliya bixin karto €43m.
Liverpool ayaa u muuqata mid si xeel dheer u dhiseysa weerarkeeda kahor xilli ciyaareedka cusub.
