XIGASHO LAACIB.NET
Halyeeygii hore ee Arsenal, Paul Merson, ayaa sheegay in
ciyaartoyda Arsenal aysan kalsooni ku qabin weeraryahanka Viktor Gyökeres.
Isagoo ka hadlayay barnaamijka The Overlap, Merson wuxuu yiri ciyaartoyda Arsenal marar badan kubbadda uma dhiibaan xiddiga reer Sweden, taasoo muujinaysa kalsooni darro.
“Arsenal ma aamminsana Gyökeres,” ayuu yiri Merson. “Kubbadda uma dhiibaan gabi ahaanba. Taasi waa waxa aan arko marka aan daawanayo ciyaaraha Arsenal.
“Wuxuu usoo degaa si uu kubbadda u helo, balse lama siinayo. Wuxuu sameeyaa orod wanaagsan sidoo kale.
Arsenal ayaa Gyökeres kala soo wareegtay Sporting Lisbon sanadkii hore, kaddib xilli ciyaareed aad u wacan oo uu ka sameeyay horyaalka Portugal.
XIGASHO LAACIB.NET
