Madaxweynaha Dowlad Goboleedka Puntland Siciid Cabdullaahi Deni, ayaa u hambalyeeyay Guddoomiyaha cusub ee loo doortay Golaha Shacabka JFS, Mudane Shiikh Aaden Maxamed Nuur (Aaden Madoobe).

“Waxaan u hambalyeeynaya Guddoomiyaha cusub ee loo doortay Golaha Shacabka JFS Mudane  Shiikh Aaden Maxamed Nuur (Aaden Madoobe), waxaan u rajeynaya in alle u fududeeyo masuuliyadda loo igmaday xilli uu dalkeenu u baahanyahay in laga gudbiyo marxalad adag.

xalay waa habeen ku weyn ummada Soomaaliyeed meel walbo oo ay joogaan, waxaana rajaynaya isbedelka ka dhacay Guddoomiyaha Golaha Shacabka JFS, in uu bar-bilow u noqdo isbedel guud oo dalkan samatabixiya.

Waxaan boggaadinaya shaqada adag ee ay qabteen Guddoonka KMG ah ee Golaha Shacabka JFS, Guddiga Doorashadda iyo Xildhibaanada Golaha Shacabka iyo Ciidamada Amniga sugaya, waxaad dhammaan u dhabar adaygteen shaqo masiiri ah xili aad soomantihiin idinkoo ku dhex afuray kuna dhex suxuuranaya gudashada waajibaadka idinka saaran Qaranka.

Waxaan inoo rajeynayaa in sidoo kale in Doorashada Guddoomiye Ku-xigeenka koowaad iyo Guddoomiye Ku-xigeenka labaad ee Gobolaha Shacabka JFS, ay inoogu dhammaato si wanaagsan.

LEAVE A REPLY

Please enter your comment!
Please enter your name here