DHUUSA-MAREEB (DAYNIILE.COM)-Afar nin oo ku eedeysan dilkii bishii Oktoobar loo gaystay duleedka Dhuusa-mareeb laba nin oo isla dhalatay ayaa maanta lagu wareejiyay Maamulka Galmudug.
Afartaan eedeysane ayaa lagu qabtay duleedka Muqdisho kadibna xabsi ayay dowladu u taxaabtay balse ugu danbeyn waxay u gacan gelisay Maamulka Galmudug si ay iyagu u maxkanadeeyaan madaama fal Danbiyeedku hore uga dhashay deegaanada Galmudug.
Bishii Oktoobar ayay ahayd markii ay ku dileen duleedka Dhuusa-mareeb laba nin oo isla dhalatay kuwassoo kala ahaa Macalin Dugsi Quraan iyo Dhaqtar.
Masuuliyiin ka tirsan Maamulka Galmudug gaar ahaan Maxkamadda Gobolka Galgaduud ayaa markii ay la wareegeen waxay sheegeen inay eedeysanayaasha kala saari doonaan oo kii danhi lehna ciqaabteeda ay marsiin doonaan kii aan danbi lahayna la sii deyn doono.
“Gudoomiyaha Maxkamda Ciidamada Dowlada Somalia Jen.Xasan Nuur Shuute ayaa gacan weyn ka gaystay sidii eedeysanayaashaan gacanteena loo soo gelin lahaa si waafaqsan qeynuunka dowliga ah “ayuu yiri masuul u hadlay Galmudug.
XAFIISKA WARARKA
DAYNIILE.COM
